"Қарағанды облысында арты қазамен аяқталған оқыс оқиға орын алды. Нақтырақ айтсақ, жаттықтыру кезінде полиция қызметінің арнайы жасағына үміткер қайтыс болды", деп хабарлайды Tengrinews.kz тілшісі, "Интерфакс-Қазақстан" агенттігіне сілтеме жасап.
Бұл туарлы, негізі, Қарағанды қаласының Қазыбек би аудандық прокуратурасы мәлімдеген екен. "Ереже бойынша арнайы жасақ құрылымына жұмысқа тұру үшін үміткерлер сынақтан өтуі тиіс.
Ол үшін белгілі бір қашықтықта жүгіріп өту сияқты тағы да басқа бірнеше спорттық жаттығулардан мүдірмей өтуі керек. Ал қарағандылық 24 жастағы жігіт спарринг кезінде қайтыс болып кетті", - дейді аудандық прокуратурадағылар.
Алдын ала болжам бойынша оның жүрегі тоқтап қалғанға ұқсайды. Қазіргі кезде сот-медицина сараптамасы тағайындалып, тексеру амалдары жүргізілуде.