«Қазгидромет» РМК мәліметіне қарағанда, бүгін еліміздің солтүстік өңірлерінде жаңбыр жауып, жел күшейеді, ал оңтүстікте жоғары өрт қауіптілігі сақталады, деп хабарлайдыBNews.kz.
«Атмосфералық ауа ағындарының өтуіне байланысты солтүстік, солтүстік-батыс және орталық аймақтарда күн райы құбылмалы болады, кей жерлерде жаңбыр жауып, күн күркірейді, жел күшейеді. Ал оңтүстік аймақтарда шаңды дауыл тұрады. Оңтүстік, оңтүстік-шығыс, батыс, солтүстік-батыс пен орталықта жоғары өрт қауіптілігі сақтаалды», - делінген хабарламада.
Өзге аймақтарда күн ыстық әрі ашық болады. Ақмола, Ақтөбе, Қостанай, Солтүстік Қазақстан, Павлодар, күндіз Жамбыл, Қызылорда, Батыс Қазақстан, Қарағанды облыстарында -15-20 м/с жылдамдықпен жел соғады, Қызылорда облысында шаңды дауыл тұрады.
Маңғыстау облысында түнде және таңертең тұман түседі. Алматы, Жамбыл, Оңтүстік Қазақстан, Павлодар, Шығыс Қазақстан, Қызылорда және Қарағанды облыстарында аптап ыстық болады.